3D կինո․ Դանա Իթանիի «Երկաթյա կինը» ֆիլմի պրեմիերան Fastexverse-ում
Ժամանցային ոլորտում շրջադարձային նորարարությունների արդյունքում Fastexverse մետավերսում կկայանա «Երկաթյա կինը» երկար սպասված մարզական փաստագրական ֆիլմի համաշխարհային պրեմիերան։
Fastexverse հայտնի մետավերս հարթակը, որը օգտատերերին հնարավորություն է տալիս ստեղծել և բացահայտել վիրտուալ աշխարհներ, համագործակցելով պրոդյուսերական ընկերության հետ, մտադիր է հանդիսատեսին մատուցել այս ֆիլմը բոլորովին նոր ձևով։
«Երկաթյա կինը», որի ռեժիսորն ու պրոդյուսերն է Դանա Իթանին, ներկայացնում է էմիրաթցի եռամարտիկ Հանա Ալ Նաբուլսիի պատմությունը, որը գերազանցել է ՄԱԷ-ում եռամարտի բոլոր ռեկորդները։
Կանանց իրավունքների և հնարավորությունների մասին շեշտադրումներ ունեցող այս ֆիլմն արդեն իսկ մեծ իրարանցում է առաջացրել կինոդիտողների և կինոքննադատների շրջանում։ Իսկ հիմա, Fastexverse-ում ծրագրված պրեմիերայից հետո, այն միանշանակ է՛լ ավելի մեծ ուշադրություն կգրավի։
Ֆիլմի պրեմիերան Fastexverse մետավերսում ներկայացնելու որոշումը արտացոլում է ժամանցային ընկերությունների հետզհետո աճող հետաքրքրությունը վիրտուալ իրականության և մետավերս հարթակների ներուժը օգտագործելու հարցում։ Կիրառելով ժամանակակից տեխնոլոգիաները իմերսիվ և ինտերակտիվ փորձառություն ստեղծելու համար՝ այդ ընկերությունները մտադիր են գրավել հանդիսատեսին նոր և հետաքրքիր առաջարկներով։
«Մենք ուրախ ենք, որ «Երկաթյա կին» ֆիլմի պրեմիերան կայանալու է Fastexverse մետավերսում»,- ասել է Fastexverse-ի գլխավոր տնօրեն Վահե Խաչատրյանը։ «Սա կարևոր առաջընթաց է մեր հարթակի համար, և մենք անհամբեր սպասում ենք կինոարտադրողների և մետավերսի համագործակցության հետագա նորարարական արդյունքներին և փորձառություններին»։
«Երկաթյա կինը» ֆիլմի պրեմիերան Fastexverse մետավերսում նախատեսված է 2023 թ․ մարտի 1-ին, ծրագրվում են նաև բացառիկ ցուցադրություն և իրադարձություններ Դուբայի առևտրի սրահում գտնվող ftFNT խանութում։ Իր հզոր պատմությամբ և ժամանակակից մատուցմամբ՝ այս ֆիլմն, անկասկած, մեծ ազդեցություն է թողնելու վիրտուալ ժամանցային աշխարհում։